Śviatłana Cichanoŭskaja ŭručaje Janu Lipaŭskamu Kryž dobrasusiedstva. Fota: t.me/CabinetBelarus
Na cyrymonii adkryćcia prysutničali Śviatłana Cichanoŭskaja i ministr zamiežnych spraŭ Čechii Jan Lipaŭski, a taksama pasły, deputaty češskaha parłamienta, pradstaŭniki hramadzianskaj supolnaści Biełarusi i Čechii, paviedamlaje Abjadnany pierachodny kabiniet.
«Adkryćcio hetaha ofisa pačynaje novuju staronku ŭ našym supracoŭnictvie. Jon pasyłaje mocny sihnał biełaruskamu narodu, jaki zmahajecca za svabodu: Vy nie samotnyja ŭ svajoj baraćbie, my padtrymlivajem vas. Adkryćcio hetaha ofisa śviedčyć ab tym, što vy adroźnivajecie złačynny režym Łukašenki ad biełaruskaha naroda», — zajaviła na adkryćci Cichanoŭskaja.
U svaju čarhu, Jan Lipaŭski vykazaŭ nadzieju, što ofis budzie sadziejničać padtrymcy biełaruskich demakratyčnych sił, niezaležnych ŚMI i palitviaźniaŭ, a taksama budzie słužyć mostam pamiž hramadzianskaj supolnaściu Biełarusi, Čechii i Jeŭropy.
Naprykancy cyrymonii Śviatłana Cichanoŭskaja ŭručyła Janu Lipaŭskamu ŭznaharodu — Kryž dobrasusiedstva.
Čytajcie taksama:
Cichanoŭskaja ŭznaharodziła prezidenta Čechii Kryžam dobrasusiedstva
Viačorka raskazaŭ, što Ofis Cichanoŭskaj moža prapanavać biełarusam unutry krainy
