Ілюстрацыйнае фота: sova-news.com
Апошняя даччыная кампанія Danone у Беларусі «ДанонБел» падала на ліквідацыю, інфармацыя пра гэта апублікаваная ў часопісе «Юстыцыя Беларусі», звярнула ўвагу «Медыязона».
У аднаго з найбуйнейшых сусветных вытворцаў малочных прадуктаў у Беларусі былі тры юрыдычныя асобы: «Данон Шклоў», «Данон Пружаны» і «ДанонБел».
Першыя дзве — гэта вытворчыя пляцоўкі. Трэцяя — аптовая кампанія, зарэгістраваная ў Мінску.
«Данон Пружаны» далучылі ў 2022 годзе да ААТ «Пружанскі малочны камбінат». За год да гэтага кампанія была перайменаваная ў «Пружаны індустрыя».
«Данон Шклоў» у жніўні 2022 года перайменавана ў «Мілкстрэйт». З чым гэта звязана, у Danone таксама не растлумачылі.
«ДанонБел» быў апошнім прадстаўніцтвам брэнда Danone у Беларусі.
У 2022 годзе Danone заявіў пра сыход з Расіі, але ўстрымліваўся ад каментароў пра беларускую частку свайго бізнэсу.
Danone — французская харчовая кампанія, вытворца малочных прадуктаў і іншых прадуктаў.
Чытайце таксама:
У Беларусі знікнуць папулярныя малочныя брэнды Activia і Actimel
