Ilustracyjnaje fota: sova-news.com
Apošniaja daččynaja kampanija Danone u Biełarusi «DanonBieł» padała na likvidacyju, infarmacyja pra heta apublikavanaja ŭ časopisie «Justycyja Biełarusi», źviarnuła ŭvahu «Miedyjazona».
U adnaho z najbujniejšych suśvietnych vytvorcaŭ małočnych praduktaŭ u Biełarusi byli try jurydyčnyja asoby: «Danon Škłoŭ», «Danon Pružany» i «DanonBieł».
Pieršyja dźvie — heta vytvorčyja placoŭki. Treciaja — aptovaja kampanija, zarehistravanaja ŭ Minsku.
«Danon Pružany» dałučyli ŭ 2022 hodzie da AAT «Pružanski małočny kambinat». Za hod da hetaha kampanija była pierajmienavanaja ŭ «Pružany industryja».
«Danon Škłoŭ» u žniŭni 2022 hoda pierajmienavana ŭ «Miłkstrejt». Z čym heta źviazana, u Danone taksama nie rastłumačyli.
«DanonBieł» byŭ apošnim pradstaŭnictvam brenda Danone u Biełarusi.
U 2022 hodzie Danone zajaviŭ pra sychod z Rasii, ale ŭstrymlivaŭsia ad kamientaroŭ pra biełaruskuju častku svajho biznesu.
Danone — francuzskaja charčovaja kampanija, vytvorca małočnych praduktaŭ i inšych praduktaŭ.
Čytajcie taksama:
U Biełarusi źniknuć papularnyja małočnyja brendy Activia i Actimel
