Mikita Tałapiła. Fota: twitter.com/dcodysweet
Spačatku traŭmu atrymaŭ asnoŭny bramnik Tetčar Dziemka, Mikitu vyklikali z kłuba «Abatsforda», jaki hulaje ŭ Amierykanskaj chakiejnaj lizie (druhoj pa značnaści ŭ Paŭnočnaj Amierycy).
Zatym traŭmu atrymaŭ Kejsi DeŚmit. I na matč suprać «Nešviła» vyklikali Mikitu, a bramu baraniŭ hałkipier zbornaj Łatvii Artur Šyłaŭ. Mikita siadzieŭ na łavie zapasnych.
Adnak takim čynam Mikita Tałapiła staŭ pieršym biełaruskim bramnikam u zajaŭcy kłuba NCHŁ u rehularnych čempijanatach i Kubku Stenli.
«Vankuvier» vyjhraŭ u haściach u aviertajmie ź likam 4:3 i pavioŭ u sieryi 3:1. Kab vyjści ŭ nastupny etap Kubka Stenli, dastatkova raz pieramahčy.
Razam z tym šancy debiutavać u NCHŁ u Mikity Tałapiły značna pavyšajucca. U hetym vypadku jon stanie pieršym biełaruskim hałkipieram, što zhulaŭ u Nacyjanalnaj chakiejnaj lizie.
Mikitu Tałapiłu — 23 hady. Jon hulaŭ za minskaje «Dynama», «Dynama-Maładziečna».
U sakaviku 2023 hoda padpisaŭ kantrakt pačatkoŭca terminam na dva hady razam z kłubam NCHŁ «Vankuvier Kenaks». Byŭ kamandziravany ŭ farm-kłub «Abatsford Kenaks», za jaki taksama hulaje toj ža Artur Šyłaŭ.
Čytajcie taksama:
U Minsku raźvitalisia z chakieistam i trenieram Kanstancinam Kalcovym FOTY
Jahor Šaranhovič pabiŭ biełaruski rekord u NCHŁ
Na zadvorkach cyvilizacyi. Dzie znachodzicca biełaruski chakiejny čempijanat u suśvietnym rejtynhu
