Raskamnahlad na terytoryi Rasii abmiežavaŭ profil biełaruskaha muzyki AP$ENT (sapraŭdnaje imia — Arsień Kiślak) na muzyčnych stryminhach «z-za publikacyi materyjałaŭ, nakiravanych na destabilizacyju hramadska-palityčnaha stanovišča ŭ Rasiejskaj Fiederacyi». Ab hetym Forbes paviedamili pradstaŭniki nadziemnaha orhana.
Ab tym, što «Jandeks Muzyka» abmiežavała pa patrabavańni Raskamnahladu dostup da staronki AP$ENT na servisie, stała viadoma 27 sakavika. Pry sprobie adkryć profil karystalniki bačyli paviedamleńnie ab tym, što jon «niedastupny pa patrabavańni Roskomnadzora».
U Rasii Arsień Kiślak nie pryznany Miniustam zamiežnym ahientam i nie ŭklučany ŭ pieralik ekstremistaŭ i terarystaŭ Raśfinmanitorynhu. Samy papularny trek vykanaŭcy — «Možna ja z taboj» — uvachodzić u top-15 usich rasijskich muzyčnych servisaŭ. Klip na pieśniu na YouTube maje bolš za 7 młn prahladaŭ. U 2024 hodzie trek staŭ nadzvyčaj papularnym u ruskamoŭnym siehmiencie tyktoku i instahram.
Na terytoryi Biełarusi i inšych krain treki muzyki dastupnyja.
Čytajcie taksama:
«Ekstremisckimi» pryznali dva artykuły ŭ niamieckaj haziecie
