Ministerstva abarony RF padčas bryfinhu 9 sakavika zajaviła, što akupacyjnymi vojskami byŭ źniščany zienitny rakietny kompleks S-300. Pry hetym niezaležnyja analityki pryjšli da vysnovy, što na kadrach z nastupstvami ŭdaru vidać kabinu jak minimum adnaho hruzavika MAN. Takija hruzaviki ŭvachodzili ŭ skład batarei zienitnaha rakietnaha kompleksu Patriot, jakuju Ukrainie pieradała Hiermanija.
Žurnalisty Forbes, a taksama analityk BILD Juljan Ropkie pišuć, što puskavyja ŭstanoŭki byli za 10 mietraŭ adna ad adnoj, i jany «byli pryparkavanyja dastatkova doŭha, kab Rasija vypuściła pa ich balistyčnuju rakietu».
Udakładniajecca, što heta pieršy vypadak za dva hady poŭnamaštabnaj vajny Rasii suprać Ukrainy, kali rasijanam udałosia znajści i źniščyć batarei ŭkrainskich Patriot.
«Całkam mahčyma, što puskavyja ŭstanoŭki i ekipažy, jakija «Iskander» paraziŭ na hetym tydni za 30 kiłamietraŭ ad linii frontu, byli tymi samymi, jakija źbili šmat rasijskich samalotaŭ. Pavietra nad uschodam Ukrainy, mahčyma, stała našmat biaśpiečniejšym dla rasijanam», — piša Forbes.
U svaju čarhu Instytut vyvučeńnia vajny pakul nie paćviardžaje źniščeńnie ŭkrainskich ZRK, bo rasijanie demanstravali kadry źniščeńnia hruzavikoŭ MAN, jakija mohuć jak pieravozić ustanoŭki Patriot, tak i vykarystoŭvacca ŭ łahistycy.
Čytajcie taksama:
Rasiejcy źniščyli va Ukrainie ŭstanoŭku HIMARS — pieršy paćvierdžany epizod za 19 miesiacaŭ
Jak biełarusy dapamahali asnaščać rasijskuju vajskovuju mašynu zachodnim abstalavańniem
