Bluźnierstva ŭ Pakistanie karajecca śmierciu. Niekatorych padazravanych linčavali jašče da taho, jak ich spravy byli pieradadzienyja ŭ sud.
Skarha była padadzienaja ŭ 2022 hodzie padraździaleńniem pa baraćbie z kibierzłačynnaściu Fiederalnaha ahienctva rasśledavańniaŭ Pakistana (FIA) u Łachory, stalicy pravincyi Piendžab.
U rašeńni suda havorycca, što 22-hadovy mužčyna byŭ prysudžany da śmiarotnaha pakarańnia za stvareńnie fatahrafij i videa, jakija źmiaščajuć abrazy praroka Muchamieda i jaho žonak. Druhomu abvinavačanamu dali pažyćciovaje źniavoleńnie za raspaŭsiud materyjałaŭ.
Adpraŭlalnik skarhi śćviardžaŭ, što atrymaŭ videa i fatahrafii z troch roznych numaroŭ mabilnych telefonaŭ. Supracoŭniki FIA zajavili, što pravieryli telefon pazoŭnika i ŭstanavili, što jamu byli adpraŭlenyja «nieprystojnyja materyjały».
Čytajcie taksama:
Eks-premjera Pakistana i eks-zorku krykieta pasadzili na 10 hadoŭ
