«U suviazi z atakaj na VBU z boku śpiecsłužbaŭ režymu Volny biełaruski ŭniviersitet zajaŭlaje, što zajmajecca vyklučna adukacyjnaj dziejnaściu dziela pašyreńnia sučasnych viedaŭ pra ekanomiku, palityku, hramadstva i historyju siarod biełarusaŭ.
U siońniašnich umovach biaśpieka ludziej była i zastajecca dla nas pryjarytetam numar adzin. Adnak dla jaje maksimalnaha zabieśpiačeńnia raim biełarusam, jakija zastajucca na našaj Radzimie abo viartajucca tudy, zrabić adpaviednyja zachady, kab źmienšyć ryzyki dla siabie i adpisacca ad publičnych akaŭntaŭ VBU ŭ sacyjalnych sietkach (Telegram, Facebook, Instagram, LinkiedIn). Varta vydalić historyju naviedvańnia infarmacyjnych resursaŭ VBU, a taksama paviedamleńniaŭ u pierapiscy ci kamientavańnia/upadabańnia našych dopisaŭ.
Našy kursy byli i zastanucca adkrytymi dla ŭsich biełarusaŭ dobraje voli va ŭsich krainach pry naležnych zachadach biaśpieki i ananimnaha ŭdziełu.
Ckavańnie VBU z boku archaičnaha i ŭsio bolš niamohłaha režymu nie spynić nas u vykanańni našaj misii pa raźvićci akademičnych svabodaŭ i krytyčnaha myśleńnia ŭ Biełarusi, farmavańni jeŭrapiejskich i nacyjanalnych kaštoŭnaściaŭ u biełarusaŭ», — havorycca ŭ zajavie.
***
Volny biełaruski ŭniviersitet — hramadskaja inicyjatyva, jakaja ŭźnikła ŭ 2017 hodzie ź inicyjatyvy 59 viadomych biełaruskich navukoŭcaŭ, dziejačaŭ kultury i mastactva, žurnalistaŭ, palitykaŭ i hramadskich dziejačaŭ.
Adzin ź jaho natchnialnikaŭ — Alaksandr Milinkievič.
Zaniatki adbyvajucca anłajn na płatformie LMS Moodle VBU abo na płatformach partniorskich univiersitetaŭ. Mierkavałasia, što časam budzie vykarystoŭvacca i źmiešany farmat navučańnia («blended learning») — sučasnaje dystancyjnaje vykładańnie plus siesii i stažyroŭki ŭ ES.
Varta adznačyć, što miesiac tamu supracoŭnik KDB Kanstancin Byčak padklučyŭsia da anłajn-zaniatku VBU.
Čytajcie taksama:
Volny biełaruski ŭniviersitet pryznali «ekstremisckim farmavańniem»