«На здзіўленне, сістэма працуе. З перабоямі, але ўчора і сёння многія сапраўды змаглі запісацца», — расказала тураператарка.
Паводле яе слоў, змены закранулі некалькі момантаў. Так, цяпер пры самастойным афармленні візы беларусам для таго, каб увайсці ў акаўнт, трэба набраць пароль на клавіятуры, якая з'яўляецца на экране. Пасля гэтага на электронную пошту павінен прыйсці пароль, які таксама трэба ўвесці ў патрэбнае поле.
Тураператарка заўважыла, што аперацыя з першага разу можа і не атрымацца, бо пароль прыходзіць на працягу 10 хвілін, а яго «тэрмін дзеяння» ўсяго толькі 5 хвілін.
Пасля таго, як карыстальнік увядзе свае пашпартныя звесткі, ён патрапіць на старонку верыфікацыі, дзе трэба будзе паказаць на камеру свой пашпарт і зрабіць сэлфі.
Пасля ўсіх праведзеных аперацый карыстальнік пяройдзе на старонку рэгістрацыі, дзе зможа забраць неабходнае яму месца.
Чытайце таксама:
Польскія візавыя цэнтры змянілі правілы рэгістрацыі на падачу дакументаў
Валер Кавалеўскі расказаў, як можна пазбегнуць жалезнай заслоны
