Karta Bild
U noč na sieradu Hienštab USU paviedamiŭ, što ŭ rajonie Vaŭčanska i Łukjancaŭ Charkaŭskaj vobłaści ŭkrainskija vojski adyšli na «bolš vyhadnyja pazicyi».
Pavodle infarmacyi ekśpierta Bild pa analizie adkrytych danych Julijana Ropkie, US RF uvajšli ŭ paŭnočnuju častku Vaŭčanska, bai tam iduć u rajonie miasakambinata. Supraciŭ im akazvajuć u tym liku «Lehijon «Svaboda Rasii» i «Ruski dobraachvotnicki korpus».
Rasijskija vojski sprabujuć abyści horad za 4 km na ŭschod. Tam im udałosia pierarezać darohu z Vaŭčanska ŭ Cichaje. U navakollach Vaŭčanska US RF zaniali vioski Placienioŭka, Ahurcova, Hacišča i Buhravatka.
Temp prasoŭvańnia US RF źniziŭsia ŭ paraŭnańni ź pieršymi dniami nastupu. USU ŭviali ŭ boj RSZA «Hrad», BTR-82A i šviedskija BMP CV-90.
Karta Bild
Adnačasova US RF nastupajuć na zachad na siało Lipcy. Tam im udałosia ŭziać vioski Stralečča, Krasnaje, Pylnaja, Barysaŭka, a taksama ŭvajści ŭ Łukjancy i Hłybokaje.
Ropkie adznačaje, što na hetym napramku rasijskija vojski nastupajuć adnoj piachotaj, praktyčna biez techniki. Heta źnižaje chutkaść ich prasoŭvańnia.
Čytajcie taksama:
Pientahon pra situacyju na froncie va Ukrainie: Situacyja składanaja, vyklikaje niepakoj
Zialenski admianiŭ pajezdki ŭ Ispaniju i Partuhaliju
Minabarony Ukrainy paćvierdziła sproby Rasii prarvać liniju abarony na poŭnačy Charkaŭskaj vobłaści
