Nikoł Pašynian. Fota: Mikhail Metzel, Sputnik, Kremlin Pool Photo via AP
Premjer-ministr Armienii Nikoł Pašynian zajaviŭ pra mahčymaść błakavańnia rasiejskich telekanałaŭ na terytoryi krainy.
«Kali rasijskija telekanały buduć niepavažliva stavicca da ŭnutranaha žyćcia Armienii, ich viaščańnie zabaroniać», — cytuje Pašyniana News.ru.
U sakaviku armianski ŭrad zabaraniŭ viaščańnie prahram «Niadzielny viečar z Uładzimiram Sałaŭjovym» i «Viečar z Uładzimiram Sałaŭjovym» na terytoryi krainy. Na dumku armianskich uładaŭ, aŭtarskija prahramy Sałaŭjova parušali artykuły 5 i 6 mižuradavaj damovy pamiž Maskvoj i Jerevanam ab supracoŭnictvie ŭ śfiery masavych kamunikacyj.
Da hetaha Kamisija pa telebačańni i radyjo Armienii časova adklikała licenziju ŭ radyjo «Tospa», jakoje retranśluje rasijskaje radyjo Sputnik Armienija. Nieŭzabavie stancyja była aštrafavanaja na 1200 dalaraŭ — za tranślacyju prahramy Tyhrana Kieasaniana, u jakoj prapahandyst niepavažliva vykazaŭsia pra Armieniju.
