Tomaš Šmit. Skrynšot z telekanała Polsat
Tomaš Šmit usio žyćcio prapracavaŭ sudździoj. Ciapier jamu 54 hady.
Da pryjezdu ŭ Biełaruś Šmit adznačyŭsia ŭdziełam u skandale. Jon uvachodziŭ u supołku sudździaŭ, źviazanych z tahačasnym namieśnikam ministra justycyi Polščy Łukašom Piebiakom. Apošni znachodziŭ kampramat na niełajalnych sudździaŭ, a taksama ich asabistyja źviestki.
Paśla ŭsio źlivałasia ŭ adkryty dostup. Adbyvałasia heta, miarkujučy pa publikacyjach u sacsietkach, u 2018-2019-ch.
U jakaści niepasrednaha vykanaŭcy vystupała Emilija Šmit pad mianuškaj Mała Emi, žonka Tomaša Šmita. Admietna, što spačatku jon pasprabavaŭ ad jaje adchryścicca — nazyvaŭ ałkahaličkaj dy łajdačkaj. Śćviardžaŭ, što ničoha nie viedaje, śćviardžaŭ, što praz pjanstva ŭ jaje zdaryŭsia vykidyš (na toj momant žonka syšła ad jaho da inšaha sudździ-źliŭščyka).
Ale ŭ 2022-m, kali zapachła smažanym, pryznaŭ svaju datyčnaść da skandału. Kab adbialicca, pahutaryŭ sa ŚMI, dzie biaskonca błytana vybačaŭsia. Naprykład, u adnym z materyjałaŭ Tomaš śćviardžaŭ:
«Kali chtości viadzie supołku, skažam, u WhatsApp, u jaho jość mahčymaść dadavać udzielnikaŭ. Viadoma, vy možacie sami vyjści z hetaj supołki. Ale mianie tak uklučali, rašeńnie było pryniata źvierchu ŭniz. Kali b chto-niebudź zachacieŭ vyjści, heta vyklikała b prablemy».
U polskich miedyja pra Šmita daŭno ničoha nie čuvać, ale skandał de-fakta pastaviŭ kryž na jahonaj karjery. Jon nikudy nie prasunuŭsia pa słužbie, a niejki čas uvohule byŭ adchileny ad pracy.
Nasamreč, Šmitu paščaściła žyć u Polščy. U Biełarusi jaho b, imavierna, pasadzili za kraty.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
