Biełaruskija rehijony ŭstanaŭlivajuć dni ćviarozaści ŭ mai. U hetyja dni ałkahol nie buduć pradavać u kramach. Adnak jość vyklučeńni z praviłaŭ, piša Telegraf.
Tradycyjna zabarona na prodaž ałkaholu pa ŭsioj krainie ŭvodzicca ŭ dzień apošniaha zvanka ŭ škołach i ŭ dzień vypusknych viečaroŭ — sioleta jon traplaje na 14 červienia. U hety dzień zabarona na prodaž ałkaholu ŭvodzicca na sutki z 8 hadzin ranicy.
Pry hetym čynoŭniki ŭ rehijonach mohuć vyznačać dadatkovyja dni ćviarozaści. Tak, u Minskim rajonie jon projdzie 25 maja — «u suviazi z praviadzieńniem mierapryjemstvaŭ, nakiravanych na prapahandu (papularyzacyju) zdarovaha ładu žyćcia, prafiłaktyku pjanstva i ałkahalizmu, baraćbu ź imi».
Dzień ćviarozaści ŭ Pružanskim rajonie pryznačany na 15 maja (z 8 da 17), u Babrujsku — na 17-je (z 0 da 24), u Kaściukovickim rajonie — na 24-je (z 0 da 24), u Krupskim i Hłuskim rajonach — na 31 maja (z 0 da 24).
U rašeńniach vykankamaŭ zvyčajna ahavorvajecca, što zabarona nie raspaŭsiudžvajecca na ŭstanovy hramadskaha charčavańnia, dzie ałkahol pradajuć na raźliŭ.
Akramia taho, abmiežavańni na prodaž ałkaholu nie raspaŭsiudžvajucca na roźničnyja handlovyja abjekty, kali havorka idzie ab praviadzieńni rytualnych abradaŭ i viasiellaŭ. Prynamsi takuju ahavorku zrabili čynoŭniki ŭ Pružanskim rajonie.
Čytajcie taksama:
Biełarusy stali pić mienš harełki
Viktoryja Azaranka: Ja ŭžo 8 hadoŭ nie pju ałkaholu
U Bresckaj vobłaści ŭ mužčyny znajšli 300 litraŭ śpirtu
Žychar Mazyra vyklikaŭ milicyju na susiedku, a ŭ vyniku straciŭ 300 litraŭ brahi i trapiŭ na štraf
