Fota ilustracyjnaje
Udzielniki «vohniennaha teatra» pry haradskim centry kultury ŭ zdymnym haražy zachoŭvali rekvizit i kaściumy. Repietycyi jany taksama pravodzili kala haraža na vulicy.
Pakolki elektryčnaści ŭ haražy nie było, muzyčnuju kałonku zasiłkoŭvali ad bienzahienieratara, jaki stajaŭ u padvale. Kab spuskacca ŭ padvał i adklučać hienieratar, chłopcy dla advodu vychłapnych hazaŭ samatužna prymajstravali trubu i vyvieli jaje na dvor.
Uviečary 28 krasavika, kali repietycyju skončyli, 17-hadovy chłopiec spuściŭsia ŭ padvał, kab adklučyć «sistemu». Nieŭzabavie dźvie dziaŭčyny, što zastalisia naviersie, pačuli jahony kašal i chrypy. 21-hadovaja dziaŭčyna spuściłasia ŭ padvał, adnak taksama stała kašlać i klikać siabroŭku na dapamohu.
18-hadovaja dziaŭčyna kinułasia ŭniz, ale vyciahnuć kampańjonku, jakaja straciła prytomnaść, nie zmahła. Tady na dvary dziaŭčyna stała klikać na dapamohu — na kryki z susiednich haražoŭ prybiehli troje mužčyn, jakija vyciahnuli maładych ludziej z padvała i vyklikali ekstrannyja słužby.
Na žal, chłopca vyratavać nie ŭdałosia, a dziaŭčynu chutkaja zabrała ŭ balnicu. U pryčynach trahiedyi ciapier raźbirajucca.
Čytajcie taksama:
U Mazyry dziaŭčyna ŭčadzieła, prymajučy duš
U Vilejskim rajonie ledź nie ŭčadzieli dvoje małych dziaciej