Fota: t.me/bazabazon
Viktar ź Biełarusi pryjechaŭ na zarobki ŭ Rasiju viasnoj. Doma ŭ mužčyny, pryznanaha invalidam, nikoha i ničoha nie zastałosia, a ŭ Maskvie jamu prapanavali padzarabić.
Viktar trymaŭ suviaź z žančynaj pa imieni Natalla, jakaja adrazu zaprasiła jaho ŭ kvateru ŭ padmaskoŭnaj Bałašysie. Kali mužčyna pryjechaŭ, u jaho adrazu ž zabrali pašpart. Akramia jaho, u kvatery znachodzilisia jašče 5-6 čałaviek.
Tak Viktar trapiŭ u rabstva i staŭ prafiesijnym žabrakom: kožny dzień jaho advozili ŭ roznyja punkty i vydavali tablički z žałaślivymi nadpisami.
«Dali tabličku «pamierła dačka, zastałosia dvoje ŭnukaŭ», paśviedčańnie miortvaj žančyny i dakumienty na dziaciej: chłopčyku 11 hadoŭ, dziaŭčyncy 14. Ja nikoli nie bačyŭ hetych dziaciej», — śviedčyć mužčyna.
Pa słovach Viktara, jahonaja źmiena doŭžyłasia da poźniaha viečara, a štodzionny dachod kožnaha čałavieka składaŭ kala 5000—10000 rubloŭ. Hrošy raz na niekalki hadzin zabirali nahladčyki.
Akramia hrošaj, minaki davali žabrakam pradukty — ich treba było prynosić u «abščak». Jeści padčas pracy było nielha: Natalla ŭvieś čas pałochała Viktara historyjaj adnaho mužčyny, jakoha mocna źbili za toje, što jon pajeŭ padčas «pracy». Pra ŭcioki Viktar i inšyja mužčyny navat nie dumali — nie viedali, dzie znachodziacca ichnija pašparty.
Vyratavała biełarusa prachožaja žančyna, jakaja źviarnułasia da vałancioraŭ ruchu suprać rabstva «Alternatyva». Paśla taho ŭ kvateru da Natalli vałanciory pryjšli razam z palicyjaj.
Dryžačaja Natalla nazyvała siabie «biežankaj z Ukrainy», doŭha nie chacieła addavać pašparty i zapeŭnivała, što ni ŭ čym nie vinavataja. U palicyi zajavu Viktara pryniali, ale spravu ab vykarystańni rabskaj pracy pakul jašče nie zaviali.
Čytajcie taksama:
Vyzvalenaja biełaruska raskazała, jak apynułasia ŭ pracoŭnym rabstvie ŭ Mjanmie i što tam rabiła
Vałanciory vyzvalili biełarusa z rabstva ŭ Śviardłoŭskaj vobłaści Rasii
Vałanciory ŭ Dahiestanie vyzvalili z rabstva biełarusa, jakoha kupili za 400 dalaraŭ
