Jość niekalki navacyj. U parkach imia Horkaha i imia Čaluskincaŭ vychodnymi dniami buduć paniadziełak i aŭtorak. U parku imia 900-hodździa Minska praduhledžana try vychadnyja — atrakcyjony nie buduć pracavać jašče i ŭ sieradu, piša Blizko.by.
U zvyčajnyja dni možna pryjści prakacicca z 11.00 da 21.00. U piatnicu, subotu i pieradśviatočnyja dni parki buduć pracavać na hadzinu daŭžej. Na raźmieščanyja ŭ ich dziciačyja placoŭki možna prychodzić z 10.00 da 21.00.
A što pa canie? Siaredni košt adnaho naviedvańnia atrakcyjonu składzie 2,5 rubla.
Atrakcyjony «Minskzielanbuda» — usiaho ich 50 — tradycyjna pracujuć u parkach imia Horkaha, imia Čaluskincaŭ, a taksama imia. 900-hodździa Minska. Dla zručnaści naviedvalnikaŭ byli dadatkova zakupleny jašče piać arelaŭ.
Letam u Minsku źjavicca jašče adna łakacyja dla adpačynku — zapracuje park imia Uha Čaviesa. Pačynać jon budzie z čatyroch zmantavanych atrakcyjonaŭ i dvuch nadzimanych batutnych kompleksaŭ. U dalejšym u parku mohuć być ustanoŭleny da čatyroch arelaŭ.
