8 studzienia pjany mužčyna, uzbrojeny palaŭničaj strelbaj, zajšoŭ u pamiaškańnie sielskaj kramy i nakiravaŭ zbroju na pradavačku. Adzin z pakupnikoŭ pasprabavaŭ abaranić žančynu, ale atrymaŭ udar prykładam pa tvary i nažom pa ruce.
Na hetym złačynca nie supakoiŭsia. Z dapamohaj usio toj ža palaŭničaj strelby jon staŭ razburać vitryny i abstalavańnie kramy.
Sudovaje pasiedžańnie pa hetaj spravie adbyłosia 22 krasavika.
Mužčynu asudzili pa dvuch kryminalnych artykułach: pa art. 154 KK (katavańnie), bo napiaredadni incydentu ŭ kramie jon na praciahu niekalkich dzion źbivaŭ svaju žonku, a taksama pavodle art. 339 (chulihanstva).
U sudovym pasiedžańni abvinavačany nie staŭ admaŭlać ździekaŭ z žonki. Ale pa situacyi ŭ mahazinie vinu pryznaŭ tolki častkova.
Sud Baranavickaha rajona i horada Baranavičy pa sukupnaści złačynstvaŭ pryznačyŭ jamu try hady i try miesiacy kałonii va ŭmovach uzmocnienaha režymu.
Prysud nie nabyŭ zakonnuju moc i moža być abskardžany i apratestavany ŭ apielacyjnym paradku.
Čytajcie taksama:
BMW vylecieŭ z MKAD i pierakuliŭsia FOTAFAKT
