Mabilizavany, prykuty kajdankami da kavałka rejki. Skryn videa: astrapress / Telegram
Vydańnie ASTRA apublikavała šakavalnaje videa, jakim padzialilisia svajaki mabilizavanych. Mužčyn, jakija nie žadajuć jechać na vajnu suprać Ukrainy, schapili i siłkom utrymlivajuć niekalki tydniaŭ u vajskovaj častcy 16871 u Sibircava Prymorskaha kraju.
Na videa mužčyna siadzić na łožku ŭ ciesnym pamiaškańni, jaho ruka, prykavanaja da rejki, lažyć na taburetcy.
«Voś tak u nas, nach**, prymušajuć ludziej źjazdžać na «SVA». Čałaviek nie chacieŭ jechać, uciok, jaho złavili. Ciapier utrymlivajuć pad zamkom da borta. Potym pierad bortam, napeŭna, adšpilać», — kaža ŭ roliku adzin z vajskoŭcaŭ.
Jak paviedamlałasia, u hetaj vajskovaj častcy pad zamkom znachodziłasia 92 prymorskich mabilizavanych, jašče 27 čałaviek adtul siłkom adpravili va ŭsuryjskuju vajskovuju častku 24776.
ASTRA raniej apublikavała videa, na jakim vidać, jak adnaho ź ich, 48-hadovaha Jaŭhiena Leskava, jaki pakutuje na šerah chvarob, 17 krasavika siłkom zašturchali ŭ aŭtobus z Usuryjska da aeraporta, pierad hetym zakavaŭšy ŭ kajdanki. Jaŭhien paviedamiŭ žoncy, što 19 krasavika jaho i inšych mabilizavanych, chto admaŭlajecca jechać na vajnu, nibyta adpraviać u Rastoŭ, a paśla hetaha va Ukrainu.
Što tyčycca astatnich mabilizavanych, to pa słovach žonki adnaho z mužčyn, «ciapier ich płanujuć znoŭ pasadzić na bort da Ukrainy zaŭtra ranicaj (22 krasavika — NN)».
Pa słovach žančyny, jaje muž zmoh pakinuć častku. Na jaho ŭžo raspačali kryminalnuju spravu, ale jon skazaŭ: «Ja tudy ź imi nie pajedu, lepš — kryminalnaja sprava».
Čytajcie taksama:
U Rasii mabilizavanyja napisali admovu ad udziełu ŭ vajnie, ale ich adpraviać pad kanvojem
Jak pracuje zahradatrad u rasijskaj armii VIDEA
Za amal dva hady vajny paćvierdžana hibiel bolš jak 45 tysiač rasijskich vajskoŭcaŭ va Ukrainie
