Aznajamleńnie z abvinavačańniem. Fota: palicyja Varšavy
Razburanyja vulli padčas abchodu znajšoŭ supracoŭnik muzieja. Piać vullaŭ akazalisia spustošanyja, ramki — pałamanyja, a pčalinyja siemji zahinuli. Z 20 pčalinych siemjaŭ, jakija žyli na terytoryi muzieja, zahinuli try, stan astatnich praviarajuć.
Ab zdareńni paviedamili palicyi.
Aficery vyvučyli dokazy. Vyśvietliłasia, što złačyncy ŭziali vohnietušycieli i raźbili imi vulli.
«Hetaje miesca, dzie pravodziacca adukacyjnyja zaniatki i kursy pčalarstva, a miod z pčalnika vykarystoŭvaŭsia dla kulinarnych majstar-kłasaŭ, jakija pravodziacca ŭ našym muziei. Pčoły akazvajuć vialiki ŭpłyŭ na ekasistemu i na naša žyćcio. My nie možam apisać, jakaja škoda była naniesiena hetym aktam vandalizmu», — napisali supracoŭniki muzieja ŭ fejsbuku.
Razburany vulej. Fota: Muziej pałaca karala Jana III u Vilanuvie
Padčas rasśledavańniaŭ vyśvietliłasia, što vulli razburyli padletki. Aboim pa 13 hod. Chłopiec — hramadzianin Biełarusi, dziaŭčynka — z Ukrainy. Ich zatrymali i dapytali. Svaje pavodziny dziaŭčynki rastłumačyli tym, što im zachaciełasia pakaštavać miodu.
Padletkam vystavili abvinavačańni ŭ źniščeńni majomaści i parušeńni zakona ab achovie žyvioł. Ich dalejšy los vyrašyć sud pa siamiejnych spravach.
Čytajcie taksama:
Polskija čynoŭniki mahli pieradać źviestki pra biełarusaŭ u ambasadu Biełarusi. U čym pryčyna?
U Varšavie ŭručyli pieršuju biełaruskuju muzyčnuju premiju ŭ emihracyi
