Fota: HUUS Minharvykankama
Pra źniknieńnie ŭ adnoj z restaracyj Minska piarścionka ŭ vyhladzie zahnutaha ćvika ad Cartier, košt jakoha składaje zvyš 9,5 tysiač rubloŭ, žycharka Minskaj vobłaści paviedamiła ŭ Centralnaje RUUS.
Jak paviedamlaje HUUS Minharvykankama, było ŭstanoŭlena, što piarścionak, jaki zajaŭnica zabyłasia ŭ prybiralni, zabrała adna z rabotnic ustanovy. 52-hadovaja minčanka adviezła juvielirny vyrab u inšy abjekt hramadskaha charčavańnia, dzie padzarablaje prybiralščycaj, schavała za batarejaj i płanavała panieści dadomu paśla źmieny.
Supracoŭniki milicyi kanfiskavali piarścionak, jaho płanujuć viarnuć uładalnicy. U dačynieńni da minčanki ŭzbudžanaja kryminalnaja sprava za kradziež.