Michaił Fridman. Foto: Wikimedia Commons
Rasijskija aliharchi Michaił Frydman i Piotr Avien zastajucca ŭ sankcyjnym śpisie Jeŭrasajuza.
Sud u Luksiemburhu 10 krasavika źniaŭ z pradprymalnikaŭ sankcyi. Ale, jak akazałasia, heta rašeńnie tyčycca nie ŭsich aktaŭ ab uklučeńni Frydmana i Avena ŭ sankcyjnyja śpisy, paviedamlaje Reuters.
Sud admianiŭ pieršapačatkovyja rašeńni Rady ES, pryniatyja ź lutaha 2022 hoda pa sakavik 2023-ha. Tady ŭviadzieńnie suprać zasnavalnikaŭ «Alfa-Hrup» sankcyj matyvavałasia ich «padtrymkaj rasijskich słužbovych asob, adkaznych za destabilizacyju Ukrainy», a taksama «padtrymkaj dziejańniaŭ i palityki, jakija padryvajuć suvierenitet i terytaryjalnuju cełasnaść Ukrainy».
10 krasavika Sud ES pryznaŭ hetyja padstavy niedastatkova abhruntavanymi. Adnak u sakaviku 2023 hoda Rada ES uviała suprać Frydmana i Aviena sankcyi pa inšych padstavach: ich pryznali «viadučymi pradprymalnikami, jakija ŭdzielničajuć u siektarach ekanomiki, jakija zabiaśpiečvajuć istotnuju krynicu dachodu ŭradu Rasii».
Pa hetym kryteryi Frydman i Avien zastajucca pad sankcyjami.
Čytajcie taksama:
Jeŭrapiejski sud źniaŭ sankcyi z «Biełšyny»
Sud ES źniaŭ sankcyi z byłoha honščyka «Formuły-1» biełaruskaha pachodžańnia