Jak paviedamili ŭ pres-słužbie Ministerstva pracy i sacyjalnaj abarony, u internecie ašukancy pačali rassyłać biełarusam praz SMS i paviedamleńni ŭ miesiendžarach infarmacyju pra nibyta najaŭnuju mahčymaść atrymać sacyjalnuju vypłatu ad dziaržavy. Dla hetaha karystalnikam prapanujuć pierajści pa spasyłcy na fišynhavuju staronku, padobnuju na aficyjny sajt ministerstva, i zapoŭnić tam formu z asabistymi źviestkami, jakija niepasredna adlustravanyja na bankaŭskaj karcie.
U Minpracy papiaredzili, što infarmacyja ab atrymańni sacyjalnych vypłat, a taksama ich pieraliku nie rassyłajecca praz SMS abo internet-paviedamleńni. Viedamstva zaklikaje nie pierachodzić pa sumniŭnych spasyłkach, nie pieradavać asabistyja źviestki złamyśnikam i praviarać paviedamleńni ŭ aficyjnych krynicach.
Čytajcie taksama:
Čarhovaja schiema: «Biełpošta» papiaredžvaje pra paviedamleńni machlaroŭ u miesiendžarach
Machlary pierakanali 83-hadovuju žančynu pieravieści im hrošy, bo «kupiury zaražanyja»