Zdymak ilustracyjny
Dazvoł raspaŭsiudžvajecca na adnakvaternyja i šmatkvaternyja błakavanyja žyłyja damy, jakija ŭzvodziacca z pryciahnieńniem biudžetnych srodkaŭ. Zhodna z dakumientam, havorka idzie pra raboty, jakija «byli pieraniesienyja na spryjalny pieryjad ich vykanańnia».
Pry pieradačy doma ŭ ekspłuatacyju zabudoŭščyk pavinien pakazać košt rabot, jakija jašče treba budzie vykanać. Adpaviedna, ułaśnik zmoža apłacić hetyja raboty paśla ich zaviaršeńnia.
«Kali pry pryjomcy ŭ ekspłuatacyju adnakvaternaha žyłoha doma, a taksama šmatkvaternaha, błakavanaha žyłoha doma častka rabot była pieraniesiena na spryjalny pieryjad ich vykanańnia, u dačynieńni da finansavanych z pryciahnieńniem biudžetnych srodkaŭ abjektaŭ dolevaha budaŭnictva ŭ takich žyłych damach:
— pamier vydatkaŭ na vykanańnie hetych rabot vyznačajecca zabudoŭščykam z ulikam prahnoznych indeksaŭ koštu budaŭniča-mantažnych rabot, abstalavańnia i inšych vydatkaŭ na datu ich praviadzieńnia i ŭklučajecca ŭ košt damovy (košt abjekta dolevaha budaŭnictva);
— zabudoŭščyk pieradaje dolščyku dakumienty, nieabchodnyja dla dziaržaŭnaj rehistracyi pravoŭ dolščyka na abjekt dolevaha budaŭnictva, paśla vypłaty koštu damovy (koštu abjekta dolevaha budaŭnictva), za vyklučeńniem rabot, pieraniesienych na spryjalny pieryjad», — havorycca ŭ dakumiencie.
Čytajcie taksama:
U Minsku ŭzvodziać samy vysoki chmaračos. Užo jość amal 30 pavierchaŭ, a kanca kraju nie vidać
Urad pierahledzić umovy dziaržpadtrymki pry budaŭnictvie žylla
