U śniežni 2023 hoda žychara Mahilova prysudzili da 4,5 hoda pazbaŭleńnia voli pavodle artykułaŭ ab uvachodžańni ŭ ekstremisckaje farmavańnie, udziele na terytoryi zamiežnaj dziaržavy va ŭzbrojenym farmavańni, prachodžańni vajskovaha navučańnia z metaj nastupnaha ŭdziełu ŭ ekstremisckaj dziejnaści (č.3 art. 361-1, č. 1 art. 361-3, art. 361-5). Prakuratura apratestavała prysud.
Termin źniavoleńnia dla 53-hadovaha mužčyny pavialičyli da 6 hadoŭ kałonii, piša Reform.by.
Pavodle abvinavačańnia, mahiloviec z 23 krasavika pa 2 maja 2023 hoda nibyta ŭvajšoŭ u skład ekstremisckaha ŭzbrojenaha farmavańnia. U navučalnym centry va Ukrainie prajšoŭ navučańnie, u tym liku pa fizičnaj padrychtoŭcy, taktycy viadzieńnia boju, stralbie sa strałkovaj zbroi i miedycynskaj padrychtoŭcy. Mužčynu zatrymali ŭ Breście pry pierasiačeńni miažy.
Dziaržabvinavaŭca nie pahadziŭsia ź pieršapačatkovym prysudam suda «z pryčyny jaho miakkaści «z ulikam» vysokaj stupieni hramadskaj niebiaśpieki» dziejańniaŭ abvinavačanaha i źviestak pra jaho asobu. Sudovaja kalehija pa kryminalnych spravach Viarchoŭnaha suda zadavoliła pratest u poŭnym abjomie. Prysud ustupiŭ u zakonnuju siłu, paviedamlaje prakuratura Mahiloŭskaj vobłaści.
Čytajcie taksama:
Iharu Karnieju prysudzili try hady kałonii
Siłaviki zatrymali 36-hadovaha minčuka za vykazvańni ŭ čat-ruletcy pravakatara Komara
