Viasna i vosień — asablivyja pory dla našych pušystych hadavancaŭ. Na ich prypadaje intensiŭnaja lińka. Zdajecca, što ŭ hety čas poŭść lotaje ŭsiudy. Dla taho, kab u čas prańnia naša adzieńnie pazbaviłasia poŭści žyviołaŭ, isnuje niekalki prostych sposabaŭ.
Vilhotnyja survetki
Dziakujučy svajoj struktury vilhotnaja survetka dobra źbiraje roznyja vidy zabrudžańnia. Asabliva dobra jana spraŭlajecca z poŭściu. Dastatkova razam ź bializnaj u pralnuju mašynu pakłaści 1—3 survetki.
Vopytnyja haspadyni rajać taksama prać švedry razam ź vilhotnaj survetkaj.
Hubka dla myćcia posudu
Zamiest vilhotnych survetak možna pakłaści novuju hubku dla myćcia posudu. Pad čas prańnia hubka źbiare na siabie ŭsiu poŭść i pralnaja mašyna paśla zaviaršeńnia pracy zastaniecca čystaj.
Kali poŭści na adzieńni šmat, to pakładzicie niekalki hubak.
Šaryki dla pralnaj mašyny
Dobrym rašeńniem moža stać vykarystańnie śpiecyjalnych šarykaŭ dla prańnia. Jany mohuć być zrobleny z humy ci mieć tekstylnaje pakryćcio. Takija šaryki taksama efiektyŭna źbiaruć poŭść i ačyściać adzieńnie i bializnu.
Bihudzi na lipučcy
Efiektyŭna pazbavicca ad poŭści chatnich žyviołaŭ dapamohuć bihudzi na lipučkach. Jak śćviardžajuć daśviedčanyja haspadyni, ich možna vykarystać nie tolki pa pramym pryznačeńni.
Fota: Albuquerque / Getty Images
Dvuch valikaŭ na lipučkach dastatkova, kab sabrać u čas prańnia varsinki poŭści. Jak i ŭ vypadku z šarykami, bihudzi možna vykarystoŭvać šmat razoŭ.
Spadziajomsia, što hetyja rekamiendacyi dapamohuć vam lohka i efiektyŭna pazbavicca poŭści chatnich žyviołaŭ z adzieńnia i bializny.
Čytajcie jašče:
Navošta ŭ pralnuju mašynu kidać šaryki z folhi
Kińcie ŭ pralnuju mašynu łaŭrovy list. Vy budziecie zadavolenyja
Dla čaho vykarystoŭvajecca treci adsiek u pralnaj mašynie? Vy možacie ździvicca