Sprečka ź Biełaruśsiu ŭ mižnarodnym inviestycyjnym arbitražy ab tranzicie pa čyhuncy kalijnych uhnajeńniaŭ pradpryjemstva «Biełaruśkalij» užo abyšłasia Litvie ŭ €320 tys. Pryniata rašeńnie ab vypłacie takoj sumy advakackaj kantory, jakaja pradstaŭlaje intaresy Litvy, paviedamlaje TASS sa spasyłkaj na pres-słužbu ŭrada Litvy.
Srodki vydzialajucca firmie Ellex Valiunas ir partneriai za try miesiacy ŭ adpaviednaści z damovaj ab akazańni jurydyčnych pasłuh, padpisanym u listapadzie minułaha hoda», havorycca ŭ paviedamleńni.
Ministr kamunikacyj i transpartu Litvy Marus Skuodzis 14 listapada 2023 hoda paviedamiŭ, što pradpryjemstva «Biełaruśkalij» źviarnułasia ŭ arbitraž z patrabavańniem vypłacić kampiensacyju ŭ pamiery 1 młrd jeŭra za razryŭ damovy ab tranzicie ŭhnajeńniaŭ u Kłajpiedski marski port.
Urad Litvy anulavaŭ damovu 1 lutaha 2022 hoda, bo jana nie adpaviadała intaresam nacyjanalnaj biaśpieki. Heta adbyłosia paśla ŭviadzieńnia ZŠA sankcyj suprać dziasiatkaŭ biełaruskich kampanij, uklučajučy «Biełaruśkalij».
Čytajcie taksama:
Indyja admoviłasia ad biełaruskaha kaliju na karyść rasijskaha
«Biełaruśkalij» znoŭ pasprabavaŭ razmarozić praz sud svaje akcyi ŭ terminale ŭ Kłajpiedzie
Čym pahražaje biełaruskaj ekanomicy prodaž uhnajeńniaŭ pa dempinhavych cenach
