Skrynšot videa ź dziaŭčynkaj i pavalenym słupom u Breście na maśleničnych hulańniach 10 sakavika 2024 hoda. Fota: Instagram
Da pasta było prymacavanaje videa, na jakim darosły mužčyna ŭ nižniaj bialiźnie «patryjatyčnych» koleraŭ załazić na słup, zabiraje padarunak i biez zdareńniaŭ spuskajecca ŭniz pad uchvalnyja kryki natoŭpu.
Skrynšot videa z telehram-kanała «Lubimy Brest»
A voś rolik z hetym samym słupom, źniaty ŭžo paśla taho, jak bierviano ŭpała, raspaŭsiudziŭsia ŭ mnohich sacyjalnych sietkach. Na videa bačna, jak viadoŭca supakojvaje dziaŭčynku ŭ ekipiroŭcy, jakaja, vidavočna, sprabavała zaleźci na słup. Śpinaj da jaje staić supracoŭnik MNS, abapioršysia na pavalenaje dreva.
Jakich-niebudź padrabiaznaściaŭ hetaha zdareńnia nie znajšłosia ni na aficyjnym sajcie Bresckaha abłasnoha ŭpraŭleńnia MNS, ni ŭ sacyjalnych sietkach. Zatoje ŭ telehram-kanale «Lubimy Brest» adznačyli, što štohod pierad praviadzieńniem Maślenicy «kanstrukcyja prachodzić vyprabavańni na tryvałaść i ŭstojlivaść».
Da nastupnych vychadnych abiacajuć pastavić novy słup.
Miesca padzieńnia słupa ŭ pieršy dzień maśleničnych hulańniaŭ u Breście. 10 sakavika 2024 hoda. Fota: Telehram-kanał «Lubimy Brest»
Žurnalist BGmedia pačytaŭ, što pišuć z nahody niadzielnaha incydentu ŭ sacyjalnych sietkach i nie znajšoŭ supadzieńniaŭ z aficyjnaj viersijaj uładaŭ adnosna «vialikaha napłyvu achvotnych dastać pryz». U toj ža čas mnohija karystalniki syšlisia ŭ mierkavańni, što słup daloka nie pieršaj śviežaści, maŭlaŭ, jamu ŭžo nie mienš za 30, a to i kala 40 hadoŭ. Dy i pa draŭninie vidać, što słup byŭ hniły.
Dakładnych źviestak pra ŭzrost hetaha słupa znajści pakul nie ŭdałosia. Adnak mnohija kamientatary vykazvali svaju zaniepakojenaść z nahody stanu dziciaci i aburalisia tym, što adbyłosia, adznačajučy, što niaščaście nie adbyłosia tolki cudam.
Čytajcie taksama:
U Minsku žančyna kinułasia litaralna pad koły aŭtamabila, dahaniajučy aŭtobus. Pašancavała
Baćka ŭ Polščy vyklikaŭ palicyju na 4-hadovuju dačku. Jon paviedamiŭ im pra chatni hvałt
Pjany minčuk skraŭ motabłok, ale daloka źjechać nie zmoh. Što pryznačyŭ sud?
