Na Paleśsi rusifikujuć stełu z nazvaj horada, dzie bolšaść ludziej ličyć rodnaj biełaruskuju movu 4
Dziaržpradpryjemstva «Žytkavicki kamunalnik» abviaściła tendar na budaŭnictva novaha ŭjaznoha znaka horada. Jaho chočuć ustalavać na ŭčastku pablizu prymykańnia miascovaj aŭtadarohi da trasy «Homiel — Kobryn». Na heta chočuć vydatkavać 50 tysiač rubloŭ (zvyš 15 tysiač dalaraŭ), piša «Fłahštok».
Da dakumientacyi dziaržzakupaŭ prymacavany prajekt znaka — na šeraj stele raźmieščany hierb horada i nadpis pa-rusku: «Žitkoviči».
Ciapier na tym ža miescy staić aryhinalny ŭjazny znak z draŭlanymi fihurami, dekaratyŭnymi elemientami i nazvaj horada na biełaruskaj movie.
Žytkavicki rajon ličycca adnym z samych biełaruskamoŭnych u Homielskaj vobłaści. Pa vynikach pierapisu nasielnictva 2009 hoda amal 83% žycharoŭ Žytkavickaha rajonu nazvali rodnaj biełaruskuju movu.
Pačatak vykanańnia prac zapłanavany ŭžo na sakavik, a zdać abjekt pavinny ŭ červieni.
Zahad z Maskvy pryjšoŭ, poch na vašyja adsotki biełaruskamoŭnych, bo nichto nie suprać, kab prybrali biednieńkuju movu. Baču i čuju, nichto, paŭtaru, nichto nie razmaŭlaje pa-biełarusku ŭ Minsku, ni ŭ kramach, ni na Kamaroŭcy, ni ŭ paliklinikach, ni ŭ škołach, jak na cud niejki hladziać, dobra, šče tvar nie abiacajuć raźbić. Prajhrali dvuboj dyrektaru saŭhasa, absikalisia pa-biełarusku razmaŭlać, bo saromimsia. Siorbajem łyžkami dalej.
Biełarusy hieraična zatailisia i čytajuć u padpolli Jakuba Kołasa, vučać svaich dziaciej movie, razmaŭlajuć na joj na kuchniach i čakajuć chrabraje NATA