Minzdaroŭja paviedamiła, što adkryvaje ekśpierymientalnuju virtualnuju pryjomnuju — heta čat-bot @by_minzdrav_bot.
Padkreślivajecca, što budzie apieratyŭnaje reahavańnie na ŭsie kankretnyja zajavy dla akazańnia ekstranaj miedycynskaj dapamohi, jakija tyčacca vyratavańnia žyćcia ŭ balnicy abo ŭ paliklinicy.
Čat-bot dastupny kruhłasutačna ŭ telehramie: dasyłać možna videapaviedamleńnie, fota ci tekst.
«Hałoŭnaje — my dapamožam vypravić situacyju tolki tam, dzie jość dakładnyja źviestki miesca zdareńnia, proźvišča, imia i imia pa baćku, a taksama numar telefona, pa jakim možna źviazacca», — paviedamlaje pres-słužba Minzdaroŭja.
Taksama zaznačajecca, što čat-bot nie stavić dyjahnaz i nie pryznačaje lačeńnie, nie zamianiaje haračuju liniju Minzdaroŭja i adzinuju (intehravanuju) respublikanskuju infarmacyjnuju sistemu ŭliku i apracoŭki zvarotaŭ hramadzian i jurydyčnych asob zvarotu.
«Čat — apieratyŭny resurs dla chutkaha reahavańnia viedamstva na ekstrannuju situacyju!», — reziumuje Minzdaroŭja.
Čytajcie taksama:
Minzdaroŭja choča zraŭnavać u cenach dziaržustanovy i pryvatnyja miedcentry
Minzdaroŭja adreahavała na situacyju ź niemaŭlom, jakoje zahinuła padčas rodaŭ
