Kurort Bodrum u Turcyi. Fota: Wikipedia Commons
Turcyja za 2023 hod pryniała 309,2 tysiačy biełaruskich turystaŭ. Heta amal na 29 pracentaŭ pieravyšaje pakazčyki 2022 hoda, vynikaje sa statystyki ministerstva kultury i turyzmu Tureckaj respubliki, piša telehram-kanał «Turbiznes Biełarusi».
Za minuły hod usiaho krainu naviedali 49,2 młn zamiežnych turystaŭ, što bolš na 10,4% za 2022 hod. Rasija stała lidaram pa kolkaści prybyłych u Turcyju haściej, dola rasijan skłała 12,8% ad usich zamiežnikaŭ. Druhuju pazicyju pa turpatoku ŭ krainu zaniała Niamieččyna — 6,19 młn turystaŭ, dalej iduć Vialikabrytanija — 3,8 młn, Bałharyja — 2,89 młn i Iran — 2,5 młn čałaviek.
Darečy, dola biełarusaŭ siarod usich adpačyvalnikaŭ — 0,63%.
Samym papularnym napramkam byŭ Stambuł — bolš za 17 młn padarožnikaŭ pabyvali tut u minułym hodzie (35,3% turystaŭ). Za im iduć Antalja (29,9%), Edzirne (9,58%) i Muhła, dzie znachodziacca Bodrum, Fietchije i Dałaman (6,76%). Samyja papularnyja miesiacy — žnivień, vierasień.
Čytajcie taksama:
«Ikona moraŭ». Samy vialiki ŭ śviecie łajnier adpraviŭsia ŭ pieršy kruiz. Jak jon vyhladaje
Ad vyspy da piramidy. Jakija małaviadomyja miescy varta naviedać u Biełarusi?
Bałharyja i Rumynija ŭvojduć u Šenhienskuju zonu ŭ 2024 hodzie
