Svaimi prablemami jon padzialiŭsia na svajoj staroncy ŭ fejsbuku, piša Fłahštok.
Prablemy ŭ Katlarova pačalisia paśla taho, jak jon pryjechaŭ na miesca DTZ u Homielskim rajonie 22 maja. Tady milicyja i paciarpiełyja ŭ DTZ pryniali jaho za vinoŭnika avaryi. Katlaroŭ raspyrskvaŭ ślezaciečny haz i byŭ zatrymany milicyjaj.
Milicyja vyklikała Katlarova ŭ sud pa spravie ab pryčynieńni škody paciarpiełamu ŭ DTZ. Pry hetym, pa słovach Katlarova, u milicyi dva miesiacy paśla bojki admaŭlalisia prymać jaho śviedak i videa.
Nieŭzabavie Katlarovu stali prychodzić pozvy z RAUS i suda pa inšych spravach.
U svaich prablemach hamialčuk vinavacić učastkovaha inśpiektara milicyi AUS Homielskaha rajvykankama Siarhieja Čavusa i źviartajecca da jaho naŭprost:
«Spadar Čavus, ja ž vam nie ŭsio videa pakazaŭ. Kali pakažu, vy a***iecie».
Paśla atrymańnia pieršaj pozvy Katlaroŭ staŭ chavacca ad rajonnych milicyjantaŭ i pasprabavaŭ trapić na pryjom da namieśnika ministra.
Na nastupnym videa, apublikavanym 18 lipienia, pravakatar paviedamiŭ, što major Čavus sprabuje jaho «zakryć na IČU, kab nie brachaŭ».
Taksama jon źviarnuŭsia da Hajdukieviča (nie ŭdakładniŭšy, da baćki ci syna-kiraŭnika praŭładnaj partyi ŁDP):
«Hajdukievič skazaŭ: «Idzi rašaj ź miantami, jany ž narmalnyja mužyki». Dyk voś, hetyja «narmalnyja mužyki» nie mohuć, napeŭna, ničoha akramia jak zatrymlivać babak z kapustaj i razhaniać pratesty. Abo sadzić zmaharoŭ, jakija ničoha nie mohuć zrabić. U mianie nie zastajecca ničoha, akramia jak iści pa šlachu zmaharstva i abviaščać haładoŭku, kali ja budu zatrymany».
Katlaroŭ, jaki raniej prykładaŭ svaje namahańni dla pieraśledu demakratyčnych aktyvistaŭ, kampramietavaŭ niezaležnyja ŚMI, ciapier sam prymiaraje na siabie rolu apanienta dziaržavy:
«Kanstytucyja kaža, što možna abaraniać usimi dastupnymi sposabami siabie i svaju siamju. Ale kali na tym baku, na napadajučym baku, apynajecca milicyjant abo čałaviek, u jakoha jość suviazi, naprykład. Tady zakon nie dziejničaje. Ciabie hatovyja zapchać, zapinać lubymi sposabami, aby ty tolki nie raskryŭ svajho ja*a».
Na hety momant viadoma pra try administracyjnyja pratakoły, jany pieradadzienyja ŭ sudy Homielskaha i Navabielickaha rajonaŭ. Akramia pratakoła za pryčynieńnie škody taksama składzienyja pratakoły za «ŭchileńnie ad jaŭki ŭ orhan, jaki viadzie administracyjny abo kryminalny praces» i «drobnaje chulihanstva» (art.19.1 KaAP RB) za ŭžyvańnie niecenzurnaj leksiki ŭ adnym ź videa na YouTube kanale Katlarova.
Čytajcie taksama:
Sumnaviadomy homielski pravakatar raspyliŭ ślezaciečny haz i byŭ zatrymany
Pravakatar z Homiela sprabuje padmanuć niezaležnyja ŚMI. Časam atrymlivajecca
Praŭładnyja prapahandysty pavialisia na fejk pra Puškina ad homielskaha pravakatar
![Клас Клас](https://d3qgtxpq5dq8nh.cloudfront.net/images/reactions/reaction-like.png)
![Панылы сорам Панылы сорам](https://d3qgtxpq5dq8nh.cloudfront.net/images/reactions/reaction-facepalm.png)
![Ха-ха Ха-ха](https://d3qgtxpq5dq8nh.cloudfront.net/images/reactions/reaction-smile.png)
![Ого Ого](https://d3qgtxpq5dq8nh.cloudfront.net/images/reactions/reaction-omg.png)
![Сумна Сумна](https://d3qgtxpq5dq8nh.cloudfront.net/images/reactions/reaction-sad.png)
![Абуральна Абуральна](https://d3qgtxpq5dq8nh.cloudfront.net/images/reactions/reaction-anger.png)