U dakumientach Sinoda havorycca, što heta zroblena ŭ adkaz na zvarot krymskich jepiskapaŭ dla «zachavańnia dziejsnaj suviazi z centralnaj carkoŭnaj uładaj» i ŭ suviazi ź niemahčymaściu ich rehularnych znosin z Ukrainskaj pravasłaŭnaj carkvoj.
Jepiskapy Ukrainskaj pravasłaŭnaj carkvy ŭ Krymie źviarnulisia z prośbaj pryniać ich u patryjarchat paśla taho, jak UPC zajaviła ab niezaležnaści ad RPC. Z punktu hledžańnia Maskvy, Ukrainskaja carkva ŭvachodzić u RPC na pravach samakiravańnia.
Na čale Krymskaj mitrapolii pastavili 83-hadovaha mitrapalita Łazara (Šviaca). Jon naradziŭsia na Vałyni, paśviečany ŭ śviatary i jepiskapy ŭ Kijevie, uznačalvaŭ parafii ŭ Paŭdniovaj Amierycy, Ciarnopalskaj vobłaści, Adesie i Chiersonie i ŭ Simfieropali.
Krymskija prychody UPC znachodzilisia ŭ farmalnym padparadkavańni Kijevu ŭvieś čas paśla anieksii paŭvostrava ŭ 2014 hodzie. UPC pierapadparadkavańnie krymskich jeparchij nie kamientavała.
