Фінляндыя працягнула закрыццё мяжы з Расіяй яшчэ на месяц
Міністэрства ўнутраных спраў Фінляндыі заявіла, што працягвае тэрмін закрыцця аўтадарожных пунктаў пропуску на сухапутнай мяжы з Расіяй.
11.01.2024 / 16:29
На расійска-фінскай мяжы. Фота: Steffen Trumpf/picture alliance via Getty Images
КПП не будуць працаваць яшчэ як мінімум да 11 лютага, сказана ў заяве фінскага ведамства. Раней фінскія ўлады вызначылі, што ўся сухапутная мяжа з Расеяй будзе закрытая да 14 студзеня.
Першапачаткова Фінляндыя з 18 лістапада на тры месяцы закрыла чатыры пункты пропуску на мяжы з Расіяй. З 30 лістапада была пастаўлена на паўзу праца ўсіх сухапутных КПП, першапачаткова гаворка ішла пра тэрмін два тыдні.
Прычынай закрыцця мяжы Фінляндыі з Расіяй з'яўляецца наплыў на яе нелегальных мігрантаў з паўднёвых краін, у чым фінскі ўрад небеспадстаўна бачыць спробы аказваць ціск на яго з боку Крамля.
Чытайце таксама:
Перанакіраванне мігрантаў з Беларусі на мяжу з Фінляндыяй — ініцыятыва расійскіх сілавікоў