Chevrolet Corvette 1976 года выпуску, выстаўлены на аўкцыён у РБ.
Аўтамабіль, некалі канфіскаваны на літоўска-беларускай мяжы (ён правозіў кантрабанду), прадаваўся некалькі месяцаў, піша av.by.
І вось цяпер яго старонка на сайце канфіскату адсутнічае: машына пайшла з малатка.
Згодна з вынікамі рэалізацыі аўтатранспарту праз аўкцыёны за з 1 па 27 красавіка 2024-га, апублікаванымі на konfiskat.by, 48-гадовы «Шэўрале» пры паступленні на таргі быў ацэнены ў 166 500,00 рублёў. Прададзены ж ён за 96 153,75 рублёў пры пачатковым кошце 91 575,00 рубля.
Гэты аўтамабіль — узор трэцяга пакалення легендарнай спартыўнай мадэлі з 5,7-літровым рухавіком пад капотам. У лоце адзначалася, што прабег «карвета» складае ўсяго 77 562 км. У іншамаркі, як вынікала з апісання, меліся сколы і драпіны.
Чытайце таксама:
Жыхар Бабруйска купіў бранявік-амфібію і катае на ім сям'ю
Еўрапол затрымаў групу грузінаў, якія кралі кнігі рускіх пісьменнікаў з еўрапейскіх бібліятэк
