Марына Лянчэўская ўзначальвае пастаянную камісію па заканадаўстве ў Палаце прадстаўнікоў. Скрын відэа БелТА
«Заўсёды кажу: мы не феміністкі, беларускія жанчыны. Мы імі не былі і не будзем у сілу сваёй ментальнасці. Але мы эмансіпаваныя. І мы сёння, жанчыны, можам усё. Можам працаваць з ранку да вечара, вяртаемся дадому, выхоўваем дзяцей», — сказала яна ў інтэрв'ю БелТА.
А ў прыклад прывяла Наталлю Качанаву, якая займае высокі пост (старшыня Савета рэспублікі) і выхавала дзвюх дачок.
Лянчэўская паўтарыла адзін з любімых тэзісаў прапаганды пра «Лукашэнку — жаночага прэзідэнта» і згадала жнівень 2020 года.
«Таксама тады зрабілі стаўку на жанчын, якія выходзілі ў белых адзеннях, з кветкамі, нібыта пазітыўная настроеныя, але насамрэч гэта быў натоўп, які крычыць. На мой погляд, непрыстойным чынам сябе вялі. Мы ў адказ арганізавалі форум у верасні», — выказалася яна і дадала, што Лукашэнка на той форум нібыта прыехаў нечакана.
Чытайце таксама:
У Палаце прадстаўнікоў стварылі ажно 14 камісій
Марзалюка ўсё ж прызначылі дэпутатам. Прагноз «НН» на выбары спраўдзіўся на 97%
