Лукашэнка лічыць, што ў Беларусі зашмат банкаў

Фота: Pavel Bednyakov, Sputnik, Kremlin Pool Photo via AP

«Аптымізацыю банкаў трэба правесці, трэба на іх паглядзець. У нас не хапае дзесьці там людзей. У АПК і іншае. А на адну такую краіну, можа, нам столькі не трэба банкаў, каб адцягваліся спецыялісты. Гэта класныя спецыялісты, фінансісты», — сказаў Лукашэнка, прызначаючы сёння Сяргея Сталярчука новым кіраўніком Банка развіцця.

«Нам трэба паглядзець. З банкаўскай сістэмай трэба сур'ёзна папрацаваць цяпер, нягледзячы на складаныя часы. І прымаць рашэнне будзем або сёння, або заўтра, або паслязаўтра. А, можа, і наогул не будзем прымаць рашэння. Але трэба паглядзець. Таму што занадта шмат вось гэтых паралеляў.

Ну навошта нам у Беларусі, дзе ўвогуле фінансавая сістэма ўстойлівая і дысцыплінаваная, рэсурсаў лішніх няма, мора гэтых рэсурсаў няма, залішняя канкурэнцыя», — даручыў Лукашэнка першаму намесніку і намесніку кіраўніка сваёй адміністрацыі Максіму Рыжанкову і Аляксандру Ягораву.

Па стане на сённяшні дзень у Беларусі працуе 21 банк.

Чытайце таксама:

Лукашэнка назваў самую цікавую працу ў яго жыцці

«Людзі не павінны дрыжаць на працы і пасля працы». Лукашэнка вучыў новых кіраўнікоў «сапраўднай дэмакратыі»

У Баранавічах, Докшыцах і Пінску — новыя кіраўнікі