Ілюстрацыйнае фота «Наша Ніва»
На рабочай сустрэчы кіраўніцтва сталіцы з прадстаўнікамі шэрынгавых кампаній абмеркавалі пытанні занальнасці абмежавання хуткасці для электрасамакатаў, забароны руху і паркоўкі. Вырашылі стварыць чат-боты для аператыўнага вырашэння пытанняў, звязаных з паркоўкай сродкаў персанальнай мабільнасці, піша 1prof.by.
УДАІ ГУУС Мінгарвыканкама прапанавала кіраўніцтву шэрынгавых кампаній з адкрыццём сезона надаць больш увагі мерапрыемствам па фарміраванні ў карыстальнікаў культуры кіравання.
У Мінску ўвялі абмежаванні хуткаснага рэжыму для самакатчыкаў, аматараў монаколаў і іншых сродкаў персанальнай мабільнасці.
Так, летась уведзеная поўная забарона на перамяшчэнне на электрасамакатах у пешаходнай зоне ў Верхнім горадзе Мінска з 20:00 пятніцы да 8:00 панядзелка для шэрынгавых арганізацый.
Нельга ездзіць на сродках персанальнай мабільнасці з хуткасцю, якая перавышае 15 км/г, у цэнтральнай частцы горада і першага транспартнага кальца — на вуліцах Мельнікайце, Сухая, Калектарная, Свярдлова, Ульянаўская, Багдановіча, Казлова, Старажоўская і праспекце Незалежнасці.
Да 20 км/г абмежаваны рух у раёне другога гарадскога кальца — на праспекце Машэрава, вуліцах Ціміразева, Сурганава, Маскоўская, Суражская, Вакзальная, Магілёўская, Аранская, Першамайская, Змітрака Бядулі, часткова Казлова і Свярдлова.
Вясной 2024 г. рух самакатаў плануюць абмежаваць у раёне плошчы Якуба Коласа і пешаходных зонах, якія размяшчаюцца побач.
Варта адзначыць, што ПДР абмяжоўваюць хуткасць язды на сродках персанальнай мабільнасці ў гэтай частцы горада да 25 км/г.
Чытайце таксама:
У раёне адной з цэнтральных плошчаў Мінска істотна абмяжуюць хуткасць электрасамакатаў
У Лідзе прыдумалі спосаб барацьбы з «гоншчыкамі» на электрасамакатах
Тата не купіў дачцэ самаката — і ледзь не стаў фігурантам крымінальнай справы
