61-гадовы рыбак Уіл Фрэнсэн выйшаў у мора адзін на лодцы і зачапіў на кручок вялізнага марліна.
Рыбалоў кажа, што яго даўжыня дасягала 3,75 метра, вага — 580 кг. Падчас барацьбы з рыбай Фрэнсэн выпаў за борт лодкі, а тая працягнула рухацца без капітана. Ён спрабаваў нагнаць судна плывучы, але беспаспяхова.
Рыбак правёў у адкрытым моры 24 гадзіны.
«Я здаўся, перавярнуўся на спіну і назіраў над сабой цудоўны захад сонца», — распавядае Фрэнсэн.
Ілюстрацыйнае фота з інстаграма Уіла Фрэнсэна
У нейкі момант ён убачыў побач плаўнік акулы. На шчасце, драпежнік не праявіў цікавасці да яго. Фрэнсэн дрэйфаваў на хвалях і калаціўся кожны раз, калі дакранаўся да водарасцяў, думаючы, што гэта акула.
На наступны дзень ён убачыў удалечыні лодку з рыбакамі. Каб прыцягнуць увагу, ён пачаў адбіваць наручным гадзіннікам сонечнае святло ў іх бок.
Тыя заўважылі і выратавалі рыбалова, пасля чаго даставілі яго ў бальніцу.
Чытайце таксама:
Брытанскаму прынцу Луі ўпершыню дазволілі надзець штаны
Раз'юшаныя фермеры ўвесь вечар штурмавалі паром віцэ-канцлера Германіі
