Ніна Шыдлоўская. Фота з сацыяльных сетак
Ніна Шыдлоўская нарадзілася ў навагодні дзень 1974 года ў сям’і брыгадзіра трактарыстаў і краўчыхі. Скончыла 8 класаў у беларускамоўнай школе роднай вёскі Баканава Круглянскага раёна (Магілёўская вобласць).
Сярэднюю школу скончыла ў Барысаве (Мінская вобласць) і паступіла на беларускае аддзяленне філалагічнага факультэта БДУ. Студэнткай стала актывісткай сацыял-дэмакратаў, пасля пайшла працаваць у Згуртаванне беларусаў свету «Бацькаўшчына».
1 кастрычніка 2008 года разам з Аленай Макоўскай Ніна стварыла кампанію «Будзьма!», якая арганізуе тысячы малых і вялікіх спраў для падтрымкі культуры і беларускай мовы.
Ніна была жонкай і паплечніцай Міраслава Лазоўскага
— героя Беларусі, які быў адным са стваральнікаў «Белага легіёна», а з 2022 года — кіраўнікоў беларускіх добраахвотнікаў ва Украіне. Цяпер яна робіць усё для ўвекавечання яго памяці.
Чытайце таксама:
Яны пайшлі ад нас у 2023-м. Згадваем беларусаў, якіх мы сёлета страцілі
