Фота: Daniel Bockwoldt / picture alliance via Getty Images

Фота: Daniel Bockwoldt / picture alliance via Getty Images

У мужчыны, які ўзяў у закладніцы дачку ў аэрапорце Гамбурга можа быць баявая зброя і выбуховыя прылады, паведаміла мясцовая паліцыя ў сацсетцы Х (раней Twitter).

«Цяпер мы можам выказаць здагадку, што ў мужчыны ёсць баявая агнястрэльная зброя і, магчыма, выбуховыя прылады невядомага тыпу», — гаворыцца ў публікацыі.

У закладніцах у мужчыны знаходзіцца яго чатырохгадовая дачка, раней яе мама заявіла пра знікненне. У паліцыі назвалі абарону дзяўчынкі галоўным прыярытэтам, піша РБК.

Перамовы з мужчынам, якія пачаліся ўначы, працягваюцца, адзначылі ў паліцыі.

***

Мужчына ў ноч на 5 лістапада заехаў на ўзлётную паласу. Ён двойчы стрэліў у паветра, а таксама кінуў з машыны два «кактэйлі Молатава». Сітуацыю кваліфікавалі як захоп закладнікаў.

Bild піша, што мужчына прыпаркаваўся ля самалёта Turkish Airlines і патрабуе вылецець з дзіцем у Турцыю, перамовы з групай ён таксама вядзе на турэцкай. Раней СМІ паведамлялі, што прычынай інцыдэнту магла стаць спрэчка бацькоў дзяўчынкі аб апецы.

Чытайце таксама:

Чалавек са зброяй прабраўся на тэрыторыю аэрапорта Гамбурга. Перамовы з ім вяліся ўсю ноч

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?