Пратэсты супрацоўнікаў ПВТ у 2020 годзе
Экспарт рэзідэнтаў ПВТ склаў за мінулы год 2,7 мільярда даляраў. Гэта на 500 мільёнаў даляраў, або на 15%, менш, чым у 2021 годзе. Падзенне экспарту да папярэдняга года адбылося ўпершыню за ўсю гісторыю ПВТ.
Экспарт Парка высокіх тэхналогій за апошнія пяць гадоў, у мільярдах даляраў
Пры гэтым Парк скарэктаваў інфармацыю, агучаную яшчэ вясной на дзяржканале АНТ. Тады ў эфіры назвалі іншую лічбу па экспарце ПВТ за 2022 год — 2,5 мільярды даляраў.
Доля ПВТ у агульным экспарце паслуг Беларусі па выніках мінулага года засталася на ўзроўні 30%. На фоне падзення экспарту знізілася і знешнегандлёвае сальда ПВТ (розніца паміж экспартам і імпартам). У 2021 годзе — 2,8 мільярда даляраў, у 2022 годзе — 2,4 мільярда даляраў, або на 16% менш.
Аб'ём вытворчасці рэзідэнтаў ПВТ у 2021 годзе склаў 9,4 мільярда рублёў, у 2022-м гэты паказчык — 8,3 мільярда (мінус 11,5%).
Доля ПВТ у ВУП Беларусі ў 2021 годзе была 4,8%, у 2022-м — 4% (мінус 0,8 працэнтных пункта).
Чытайце таксама:
«Часам гэта можа быць лэвэл даўн». Што з працай і заробкамі ў беларускім ІТ-сектары
З Беларусі ціха сышла буйная відэастрымінгавая кампанія
