Ілюстрацыйнае фота. Вікіпедыя
Напад адбыўся 26 жніўня каля 18:40 у горадзе Айнбак, паведамляе «Украінская праўда».
Паводле вынікаў паліцэйскага расследавання, некалькі ўкраінскіх дзяцей знаходзіліся ў раёне моста, калі невядомы мужчына пачаў скардзіцца, што дзеці размаўляюць на ўкраінскай мове.
Ён загадаў ім размаўляць па-руску, а потым сказаў, што Украіна пачала вайну. На якой мове прамаўляў мужчына, не ўдакладнена.
Паводле паведамлення пракуратуры, мужчына нібыта пацягнуў дзяўчынку за валасы, а затым схапіў 10-гадовага хлопчыка і перакінуў яго праз парэнчы ў канал.
Хлопчык ударыўся аб жалезныя бэлькі, прымацаваныя да моста. Ён атрымаў траўмы галавы і левай нагі.
Калі хлопчык ляжаў у канале, невядомы зламыснік нібыта кінуў у яго пляшку, якая трапіла ў правае плячо. Пасля гэтага невядомы ўцёк.
Мужчына, якому прыкладна 40-45 гадоў, быў апрануты ў сінюю футболку, чорную кепку і джынсавыя шорты, яго шукаюць.
Генпракурор лічыць напад палітычна матываваным. Ён таксама адзначае, што нападнік размаўляў па-руску.
Чытайце таксама:
У Гдыні беларусы стралялі па машыне. Ім не спадабалася, што яна іх абагнала
На італьянскай Сіцыліі беларус пабіўся з паліцыянтамі на чыгунцы
Невядомы спыніў два дзясяткі цягнікоў у Польшчы з дапамогай радыёсігналу