Ilustracyjnaje fota: visavisa.by
Ranicaj u čatach PBH źjaviłasia paviedamleńnie ad adnaho z karystalnikaŭ pra toje, što jaho paprasili zabrać dakumienty, jakija jon padaŭ ranicaj u VC u Homieli. U VC spasłalisia na rašeńnie polskich dziaržorhanaŭ, jakoje dziejničaje z 26 studzienia. Infarmacyju IT-śpiecyjalista paćvierdzili ŭ minskim pasolstvie.
Sapraŭdy, u pasolstvie Polščy ŭ Minsku paćvierdzili, što pryjom dakumientaŭ na PBH zakryty, i, imavierna, nie budzie adnoŭleny — «prahrama PBH zakryta». Parekamiendavali padavać dakumienty na zvyčajnuju pracoŭnuju vizu pa zaprašeńni.
Prahrama Poland.Business Harbour dapamahaje śpiecyjalistam IT-śfiery, startapam, a taksama cełym kampanijam pierajechać u Polšču. Kaardynatary prahramy — Ministerstva raźvićcia, Polskaje ahienctva inviestycyj i handlu, GovTech Polska, Kancylaryja staršyni ŭrada, Ministerstva zamiežnych spraŭ, Polskaje ahienctva raźvićcia pradprymalnictva i fond Startup Hub Poland.
Prahrama ŭklučaje vydaču nacyjanalnaj vizy D23, jurydyčnuju padtrymku pry pierajeździe, dapamohu ŭ kantaktach z orhanami samakiravańnia, SEZ, inviestarami, a taksama hranty.
Čytajcie taksama:
Tracinie biełarusaŭ amierykancy ŭ 2023 hodzie admovili ŭ vizach