Arciom Turłaj, fotažurnalist puła Karanika raspaviadaje, što jany pryvieźli 2,5 tony sadaviny i harodniny.

 

Na videa bačnyja piercy, ahurki, piekinskaja kapusta, pamidory, šmat apielsinaŭ, mandaryny, jość manha i navat pamieła. Ale ŭsio heta bahaćcie mocna sapsavanaje, u ćvili, a sa skryniaŭ ciače ciomnaja vadkaść. Usim hetym vyrašyli nakarmić aleniaŭ. 

«Pryvieźli aleniam čatyry kantejniery sadaviny pa 700 kh. Avakada, ahurki, pierac, bakłažany, mandaryny, pamieła, hrušy i jabłyki», — padpisaŭ aŭtar videa.

 

@nashaniva Žurnalisty puła Karanika pryvieźli aleniam 2,5 tony hniłoj sadaviny. Žyvioły jeści nie stali #hrodna #hrodno #łukašienko #minsknovosti #biełaruśnovosti #novostibiełarusi #našaniva #karanik #novostihrodno #navinybiełarusi #puł4 ♬ Cleaning - Owen Wang

«Łasunki my vyhruzili. Usio raspakavali i ciapier idziom va ŭkryćcio — budziem hladzieć, pryjduć aleni jeści ci nie», — patłumačyŭ toje, što adbyvajecca ŭ videa, Arciom Turłaj. 

Aleni sapraŭdy vyjšli ź lesu, ale jeści nie stali. 

Skul uzialisia 2,5 tony sapsavanych praduktaŭ, u videa nie ŭdakładniajuć. 

U kamientarach da videa ludzi dziviacca, što aleniaŭ kormiać cytrusavymi, i adznačajuć, što ŭ ich paśla hetaha buduć prablemy. 

«My byli ŭ zaaparku, chacieli ahurkom pakarmić, rabotniki skazali aleniu ahurok nielha, karmili jahadami», — napisała dziaŭčyna. «My sprabavali pakarmić aleniaŭ mandarynami, ich adpudžvaŭ pach cytrusavy. A chleb jeli)», — padzialiłasia inšaja. 

Ludzi adznačali škodu ćvili dla žyvioł. «Spadziajusia, nichto z žyvioł nie zahinuŭ», — chvalujecca kamientatar.

«Smakoćcie ź ćvillu. Mnohim žyviołam nielha cytrusavyja. Avakada asabliva, ich kostački atrutnyja dla ich. Zrabiŭ dabro nazyvajecca», — napisali ŭ kanale. 

«Navat aleni nie zachacieli praterminoŭku jeści», — reziumavaŭ niechta.

Čytajcie taksama:

Baton ź Biarozy ŭzarvaŭ tyktok. Što ŭ im takoha?

Minskaje kafe ŭniesła dziaŭčynu ŭ čorny śpis — pryčyna niestandartnaja

«A pavinna być u fufajcy?» Łukašenkaŭcy kinulisia abaraniać šubu Kačanavaj

Клас
8
Панылы сорам
49
Ха-ха
11
Ого
4
Сумна
3
Абуральна
22