Baradzianka Kijeŭskaj vobłaści paśla vyzvaleńnia ad akupacyi rasiejcami. Krasavik 2022 hodu. Ilustracyjnaje fota
Ukrainku, jakoj było 96 hadoŭ, rasiejcy prymusova vyvieźli ŭ Biełaruś u sakaviku 2022 hodu z horada Baradzianka Bučanskaha rajona Kijeŭskaj vobłaści.
Jak stała viadoma «Svabodzie», u Biełarusi jaje pieravieźli ŭ horad Vietka Homielskaj vobłaści i pieradali ŭ dom-internat dla sastarełych. U červieni 2022 hodu ŭ vyniku sardečnaj niedastatkovaści jana pamierła, i jaje pachavali na mohiłkach u Vietcy. Va Ukrainie ŭ jaje zastaŭsia tolki ŭnuk.
U śniežni 2023 hodu stała viadoma ab śmierci ŭ Biełarusi 15-hadovaj Aryny Jaciuk, paranienaj rasiejskimi sałdatami ŭ sakaviku 2022 hodu pad Kijevam pry sprobie evakujavacca. Jaje cieła znajšli ŭ morhu Mazyra Homielskaj vobłaści. Uvieś hety čas svajaki šukali jaje ŭ niekalkich krainach, u tym liku ŭ Biełarusi. Dziaŭčynku apaznali pa DNK paśla taho, jak cieła pieradali va Ukrainu ŭ paradku abmienu.
Rasiejskija vojski 24 lutaha 2022 hodu ŭvarvalisia ŭ Čarnihaŭskuju i Kijeŭskuju vobłaść Ukrainy z terytoryi Biełarusi.
Pravaachoŭnyja orhany Ukrainy pa vynikach rasiejskaj akupacyi častki Kijeŭskaj vobłaści, jakaja praciahvałasia z 24 lutaha da 31 sakavika 2022 hodu, zaviali 11 433 kryminalnyja spravy na rasiejskich vajskoŭcaŭ za vajennyja złačynstvy, a taksama na ŭkrainskich kałabarantaŭ.
Buča, Baradzianka i Irpień Kijeŭskaj vobłaści stali simvałami žorstkaści rasiejskich vajskoŭcaŭ datyčna da cyvilnaha nasielnictva.
Čytajcie taksama:
Kot Žoŭcień nie pieražyŭ rakietnuju ataku Rasii pa Kijeŭskaj vobłaści
