U Minsku ŭ Trajeckim pradmieści žyvie Maryla — maleńkaja dziaŭčynka ź vielmi bahataj fantazijaj. Jana žadaje padabacca, ale ludzi zusim nie zaŭvažajuć jaje. Adziny čałaviek, jaki padtrymlivaje Marylu — Aleś. Adnojčy, hieroi sustrakajuć tajamničuju Babulu, jakaja kliča ich dałučycca da pryhodaŭ. Maryla bačyć u hetaj prapanovie mahčymaść, jakaja dapamoža źviarnuć na siabie ŭvahu ludziej vakoł. Dla Babuli ž Maryla, jakaja maje bahatuju fantaziju, — heta kluč da partała ŭ śviet mifičnych istot. Z dapamohaj hetaha partała Babula zmoža vypuścić dziŭnikaŭ, što byli zabytyja, u realny śviet. Nieŭzabavie Maryla razumieje, što stała častkaj niejkaha złaviesnaha płana i adpraŭlajecca ŭsio vypraŭlać.
Multfilm «Maryla. U pošukach dziŭnikaŭ» stvorany pa matyvach narodnaj kazki «Nie siła, a śmiełaść», a pratatypami piersanažaŭ stali hieroi biełaruskaj mifałohii. Sieryjał dastupny na dźviuch movach — biełaruskaj i ruskaj.
Hledačoŭ čakaje zahłybleńnie ŭ dziŭny kazačny śviet, dzie moža apynucca kožny čałaviek z bahatym ujaŭleńniem. Čaroŭnyja istoty, niezabyŭnyja pryhody, fantastyčnaja atmaśfiera, mudryja dumki — u multsieryjale jość usio, za što tak lubiać kazki.
Pahladzieć «Maryla. U pošukach dziŭnikaŭ» možna na sajcie voka.tv abo ŭ mabilnaj prahramie VOKA ź luboj pryłady i ŭ sietcy luboha apieratara.
Multsieryjał źjaŭlajecca častkaj prajekta «CINEVOKA — Kino pa-biełarusku». Dziakujučy jamu ŭ adnajmiennym raździele videaservisu ŭžo pradstaŭlenyja bolš za 50 filmaŭ i sieryjałaŭ — ad halivudskich błokbastaraŭ da anime — u biełaruskim dublažy.
