Znoŭ aštrafavali na bujnuju sumu Ninu Bahinskuju
Sud Savieckaha rajona Minska zavočna prysudziŭ hramadzianskaj aktyvistcy Ninie Bahinskaj jašče adzin bujny štraf — 2400 rubloŭ (600 bazavych vieličyń), daviedaŭsia «Biełsat». Padstavaj dla składańnia pratakoła staŭ nacyjanalny ściažok, jaki padčas pieratrusu milicyjanty znajšli na tumbačcy ŭ pakoi piensijanierki naprykancy sakavika.
26.04.2024 / 21:41
Nina Bahinskaja. Fota: Cimur Kotaŭ / Biełsat
Na minułym tydni Ninu Bahinskuju ŭ sudzie Partyzanskaha rajona pakarali štrafam u 2000 rubloŭ za «značok biełaha koleru z vyjavaj biełaha i čyrvonaha koleru».
Nina Bahinskaja na sudy pryncypova nie chodzić i štrafy nie płacić. Jana raniej zajaŭlała, što ličyć ich niezakonnymi, skiravanymi na prynižeńnie nacyjanalnaj hodnaści biełarusaŭ.
Lecišča Bahinskaj łukašysty sprabavali pradać praz aŭkcyjon, kab pahasić «zapazyčanaść» pa štrafach. Ale žančyna navat nie cikaviłasia vynikami apošniaha aŭkcyjonu, jana praciahvaje pracavać na svaim leciščy.
Ninie Bahinskaj dali hihancki štraf
U Dzień Voli supracoŭniki milicyi pryjšli da Niny Bahinskaj — jaje buduć sudzić za nacyjanalny ściah