Hałasavańnie za Łukašenku i Kosinca zrabili nie adnahałosnym
Pavodle vynikaŭ vybaraŭ kiraŭnictva Usiebiełaruskaha narodnaha schodu suprać kandydatury Alaksandra Łukašenki nibyta prahałasavaŭ adzin čałaviek, suprać kandydatury Alaksandra Kosinca — 10.
24.04.2024 / 18:00
Skrynšot z tranślacyi pasiadžeńnia UNS 24 krasavika
Pavodle abvieščanych vynikaŭ hałasavańnia, za abrańnie Alaksandra Łukašenki staršynioj Usiebiełaruskaha narodnaha schodu prahałasavali 1157 čałaviek z 1158, adzin čałaviek prahałasavaŭ suprać.
Namieśnikam staršyni UNS abrany raniejšy pamočnik Łukašenki Alaksandr Kosiniec. Za jaho nibyta prahałasavali 1148 čałaviek, a 10 vykazalisia suprać.
U toj ža čas śpis astatnich 13-ci členaŭ Prezidyuma UNS byŭ zaćvierdžany adnahałosna, usie byli «za». Akramia Łukašenki i Kosinca, u hety orhan uvajšli Vadzim Bohuš, Alaksandr Brancevič, Kanstancin Burak, Nadzieja Jermakova, Uładzimir Karanik, Maryna Lančeŭskaja, Siarhiej Palakoŭ, Siarhiej Siviec, Rusłan Strachar, Iryna Tylec, Dźmitryj Čarniakoŭ, Volha Špileŭskaja, Juryj Šulejka.
Łukašenka stanie staršynioj UNS adnačasova z prezidenctvam. Namieśnikam budzie Kosiniec
Krajnie chrypły Łukašenka pačaŭ vystup na UNS z vajaŭniča antyzachodniaj rytoryki
Chto jana, delehatka UNS z samaj aryhinalnaj pryčoskaj? FOTAFAKT
Bieź mikrachvaloŭki abo płanšeta — što padaryli delehatam UNS hetym razam