«Jana ŭ štanach vyjdzie, rubanie». Łukašenka prapanavaŭ u prezidenty niečakanuju kandydaturu
Alaksandr Łukašenka, prahałasavaŭšy na vybarach kiraŭnictva UNS, raskazaŭ, ci źbirajecca ŭdzielničać u prezidenckaj kampanii ŭ 2025 hodzie. Palityk u čarhovy raz adznačyŭ, što pasada prezidenta — mužčynskaja, ale adnačasova prapanavaŭ niečakanuju kandydaturu — lohkaatletki Anastasii Mirončyk-Ivanovaj.
24.04.2024 / 17:43
Anastasija Mirončyk-Ivanova. Skrynšot ź videa ANT
«Kali jany [ludzi] skažuć, što ja pavinien iści na vybary, ja pajdu. Ale kali skažuć, chopić, voś jość čałaviek, mužčyna ci žančyna… Chutčej mužčyna, viadoma, tamu što hałoŭnakamandujučy ŭzbrojenymi siłami. Choć kali Mirončyk-Ivanova pojdzie — to ničoha. Jana i ŭ štanach vyjdzie, i rubanie. Ale ŭsio ž taki heta mužčynskaja pasada», — adznačyŭ Łukašenka.
Palityk znoŭ zajaviŭ, što pojdzie ŭ adstaŭku, «kali narod nie abiare» — u takim vypadku jon «budzie zadavolvacca statusam pieršaha prezidenta».
Praŭda, kali spartsmienka i zachoča bałatavacca, to ŭsio adno nie zmoža — uzrostavy cenz dla kandydata ŭ prezidenty składaje 40 hadoŭ, a Mirončyk-Ivanovaj ciapier 35.
Jak skakucha stała deputatkaj. Historyja Nastaśsi Mirončyk-Ivanovaj
Skakucha Mirončyk-Ivanova: Alimpijskija hulni biez nas, biez najmacniejšych — heta nie Alimpijada