Śviatar carkvy ŭ Synkavičach razharnuŭ budaŭnictva biez dazvołu čynoŭnikaŭ. Vierdykt suda ździŭlaje
Śviatara carkvy Śviatoha Archanhieła Michaiła ŭ Synkavičach chacieli pryciahnuć da administracyjnaj adkaznaści na samavolnaje budaŭnictva, raskazvaje Hrodna.life. Ale sud vyrašyŭ, što niaviedańnie zakona vyzvalaje ad adkaznaści.
23.04.2024 / 21:19
Fota: Wkimedia Commons
Protaijerej Arsienij Anańka biez dazvołu čynoŭnikaŭ i zaćviardžeńnia prajektnaj dakumientacyi za niekalki hadoŭ pabudavaŭ kupiel, trapieznuju, sklep doma dla pałomnikaŭ, mansardy, prybudovy, pastaviŭ na terytoryi manumientalnyja skulptury.
Takim čynam, zhodna z pratakołam ab administracyjnym pravaparušeńni, śviatar parušyŭ zakon «Ab architekturnaj, horadabudaŭničaj i budaŭničaj dziejnaści».
Pradstaŭnik prychodu ŭ sud Zelvienskaha rajona nie pryjšoŭ. Adnak u liście jon prasiŭ vyzvalić prychod ad adkaznaści ŭ suviazi z małaznačnaściu zroblenaha. I sud pahadziŭsia z hetym arhumientam.
U rašeńni havorycca, što pabudovy byli ŭźviedzienyja ŭ intaresach pałomnikaŭ i viernikaŭ. Da taho ž śviatar učyniŭ pravaparušeńnie, bo nie byŭ znajomy z zakanadaŭstvam. Pry hetym škody intaresam hramadstva jon, maŭlaŭ, nie nanios. Tamu sud pastanaviŭ spynić administracyjnuju spravu.
Carkva-krepaść u Synkavičach — unikalny ŭzor poźniehatyčnaj architektury pačatku XVI stahodździa, heta była adna ź pieršych cerkvaŭ-krepaściaŭ na terytoryi VKŁ.
Časova zakryvajuć Safijski sabor u Połacku
U Bierazinie adrodziać zakinuty pałac Patockich, jaki nijak nie mahli pradać
U Łošyckaj siadzibie razabrali budynki brovara, choć abiacali nie čapać